Vodas

Ofrecemos dous tipos de servizos:

 

BUS VW T2: servizo de fotomatón no interior da nosa VW do ano 76 durante o aperitivo. Toda unha experiencia, toda unha novidade. Ademais de decorar servirá de entretemento para os invitados. Para o baile desmontamos o equipo fotomatón da furgoneta e instalámolo no interior do evento para que a festa este integrada e ademais póidanse realizar grupos con moita xente.

 

MÁQUINA PHOTOBOOTH: servizo de fotomatón sen utilizar nosa furgo VW. O servizo empeza durante o aperitivo e logo continua no baile. Colocamos sempre un fondo de tea (o cliente elixe a cor) para que na fotografía non salga ningún elemento que distorsione a imaxe.

 

As características comúns dos servizos son:

1.- O equipo técnico ten cámara reflex, flash, iluminación continua e impresora de gran calidade.

2.- O tamaño de impresión é un 10x15, pódese personalizar o deseño en número de fotografías (1, 2, 3 ou 4) dentro dese tamaño e pór o texto ou logo que o cliente queira.

3.- Copias ilimitadas. Todos os invitados poderán ter a copia que unha vez impresa entregarase gardada nun sobre para que non se estrague. Por moi numeroso que sexa o grupo de amigos ou familiares garantimos que todos poderán ter unha copia ao momento, non hai límite.

4.- Ao ter unha cámara reflex o equipo vai gravando as fotografías nunha tarxeta de memoria. Unha vez finalizado o evento entregamos todas as fotografías nun pendrive.

5.- A nosa empresa non sobe as fotografías do evento a ningunha galería, nin pública nin privada. O motivo é para dar cumprimento á Lei Orgánica de Protección de Datos xa que aínda que a galería fose privada calquera invitado tería acceso a descargar fotografías doutros invitados.